الصح والخطا نصائح محشش لاتفوتكم

السلام عليكم...
هذي ياشباب واحد محشش يتكلم
ويعلمنا الخطأ والصواب..

بســـم اللـــه نبـــدأ...

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالأحـــول...


خطأ : تفتح الإشارة ..ثم يعلق اللي وراك على البوري ... ثم تطالع في المراية ... وتلقاه يهاوش ومعصب .. ثم تأشر بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة .. . <<طيخ طاااخ اووووووثم ..

قله مرة ثانية تصير الاشارة خضراء .. تصير حمراء .. تصير زرقاء ... تسكت .. مالك شغل.


خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الدريشة ... واضحك ..

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وتسحب به في الشقه ... وتجيب قوطي ببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين ..


خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس ميب شينه ...
ولاتحاسبه ... وحبذا لو جلدته ...


خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه . .. وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...>>>الله يعين البزر


خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني <<< الله يرجك يالمحشش

خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك .. . لأننا بنركب 15 دش .. الليلة ..
ثم واصل للصبح ... <<<الله على الاقتراح


خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا علبه البيبسي ... وخذ منه الريموت .. بدون ماتكلمه ... وحط فيلمك ... وتابعه بصدر رحب ... <<< حماس


خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم

الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي>>>>> هذا مو حشااااش وبـــس ألا مخربهــاااااااا....

يسلملي يا الغالي والله لا يحرمنا من جديدك.......

والا الأمام؟؟؟؟

يسلمووووو على المرور وامين ان شاء الله